वोट के लिये नोट
निवडणुका जवळ आल्या
तशी सुरु झाली लगीनघाई
मतांच्या मागणीसाठी
उमेदवारांची शिष्टाई
मीच तुमचा नेता शोभतो
सगळेच पटवून द्यायला लागतात
सत्ता भोगून काम न करणारेही
पुन्हा पुन्हा मत मागतात
आरोप प्रत्यारोपांच्या फैरी
दोन्ही बाजूंनी झाडल्या जातात
उमेदवार राहतात ‘ सेफ ’
कार्यकर्त्यांची डोकी फुटतात
इतकं सगळ करुनही कळत
हाती काहीच लागणार नाही
हात जोडून मतदात्यांना
आता काही भागणार नाही
सत्ता मिळवण्यासाठी
मनात नीतिमत्तेची खोट
मग सुरु होतो तोच खेळ
“ वोट के लिये नोट “
- विवेक शेळके
No comments:
Post a Comment