'अर्थ ' डे च्या निमित्ताने .....

कुणी म्हणतंय आई तुला 
कुणी म्हणतंय धरणी माय
तुझ्या विना कुणालाही 
आसरा इथे मिळत नाय 

तुझ्याच उदरातून जन्मले सारे 
तूच केलास माय सांभाळ 
पण बघतेस न आई तुझी 
आज  कशी होतेय आबाळ

उदरावर ज्यांना वाढवलस तू 
त्यांनीच तुझ्यावर घातला घाव
शोधतोय म्हणे नवीन रहस्ये 
साजुकतेचा आणत आव 

कशी करतेस सहन तू 
झेलतेस तू निर्दय घाव 
होतेय कत्तल तुझ्या निसर्गाची
विकासाचं घेऊन नाव 

उघड्या डोळ्यांनी पाहतेस तू
अशीच मनमानी चालणार काय 
या भाबड्याना कळत का नाही 
तुझ्याविना कुणी राहणार नाय 

                              - विवेक शेळके